लकडाउनका कारण नेपाली खेलाडीहरूलाई शरीर 'फिट' कसरी राख्ने भन्ने चिन्ता छ। आफ्नो शरीरलाई फिट राख्न खेलाडीहरू विभिन्न उपाय लगाइरहेका छन्।
नेपाली महिला फुटबलरहरूले पनि फिटनेसको अभ्यास गरिरहेको अखिल नेपाल फुटबल संघ (एन्फा) ले जनाएको छ। एन्फाका अनुसार महिला फुटबलरले राष्ट्रिय टिमका फिजियोद्वय आविष्कार पुडाशैनी र नविना श्रेष्ठ वैद्यको सल्लाहमा व्यायम गरिरहेका छन्।
राष्ट्रिय टिम तथा एपिएफकी फरवार्ड सावित्रा भण्डारी हल्चोकस्थित एपिएफ क्लबमा व्यायम गर्छिन्। नियमित जस्तो अभ्यास गर्न नपाए पनि उनले फिट रहनका लागि व्यायम गरिरहेकी हुन्।
हल्चोकमा उनीसँगै एन्जिला सुब्बा, अनिता केसी, सरु लिम्बु र हिराकुमारी भूलेल पनि छन्। उनीहरु सबै हल्चोक मैदानमा व्यायम गरिरहेका छन्।
उदयपुरकी दीपा राई फिट रहनका लागि घरमा जगिङसहित व्यायम गर्छिन्।
कप्तान निरु थापा पनि घरकै छतमा व्यायम गर्दै गर्छिन् भने मोरङकी मनमाया लिम्बु घर बाहिर फिटनेसका लागि व्यायम गरिरहेकी छिन्।
गोलकिपर अन्जना रानामगर घरको कोठामा अभ्यास गर्छिन् भने फरवार्ड रेखा पौडेल घरको छतमा व्यायम गर्छिन्।
रौतहटकी इन्दिरा राई घरबाहिरको चौरमा फिटनेस तालिम गरिरहेका छिन्।
रेनुका नगरकोटी घरको छतमा र मन्जली कुमारी योन्जन चौरमा अभ्यास गरिरहेका छन्।
कैलालीकी अमृता जैशी घरको आगनमा फिटनेसको तालिम गर्छिन्।
सुर्खेतकी गीता राना घरको छत तथा बाँकेकी पूजा राना घरको कम्पाउन्डमा अभ्यास गरिरहेका छन्।
मोराङकी कविता धिमालले कोठाभित्र अभ्यास गरिरहेकी छिन्।
एन्फाले बनाएको भिडिओ :