खुट्टामा सामान्य चोट लागेका कारण घाइते भइ तालिममा सहभागी हुन नसकेका बार्सिलोनाका खेलाडी लियोनल मेसी शनिबारदेखि अभ्यासका लागि बार्सिलोनाको क्याम्प नोउ रङ्गशालामा उपस्थित भएका छन्।
त्यसैगरी अर्का खेलाडी लुइस स्वारेज पनि आगामी हप्ता हुने खेलमा खेल्नसक्ने स्पेनी क्लब बार्सिलोनाले जनाएको छ।
मेस्सीले बुधबार र शुक्रबारको अभ्यासलाई मैदानमा नछिरिकन निरन्तरता दिएपनि शनिबारदेखि अभ्यास गरेको स्पेनी सञ्चारमाध्यमले जनाएका छन्।
ला लिगाको शीर्ष टिम बार्सिलोनाले मध्य मार्चपछि पहिलो खेल रियल मालोर्सामा आगामी हप्ता खेल्दैछ।
स्वारेजको घुँडामा लागेको चोटका कारण गत जनवरीमा भएको शल्यक्रियापछि पहिलो पटक बार्सिलोनाको लागि खेल्दै छन्।
उनले अभ्यासका क्रममा दुखाइ महशुस नगरेको जनाएपछि बार्सिलोनाले खेलमा फर्काएको हो।
यो सत्रमा मेसी र स्वारेजको सहकार्यमा सबै प्रतिस्पर्धामा बार्सिलोनाका लागि कूल ३८ गोल भएका छन्।
बार्सिलोनाले रियल मड्रिडलाई दुई अङ्कले पछि पार्दै लिग तालिकाको शीर्ष स्थानमा छ
लिगमा अझै ११ खेल हुन बाँकी छन्।