जर्मन बुन्डेसलिगाको उपाधि लगातार आठौं पटक जित्न वायर्न म्युनिखलाई दुई जित आवश्यक छ। वायर्नले अन्तिम चार खेल मध्ये दुई जित हात पारेमा उपाधि जित्न पक्का भएको हो।
वायर्नले शनिबार भएको खेलमा वायर लिभरकुजेनलाई ४-२ गोलले पराजित गर्यो।
वायर्नको जितमा कोमानले २७ मिनेट, गोरेच्काले ४२ मिनेट, गिनब्रीले ४५ मिनेट र लेवान्डोस्कीले ६६ मिनेटमा गोल गरे।
लिगको अर्को खेलमा दोस्रो स्थानको बोरुसिया डोर्टमुन्डले हेर्था बर्लिनलाई १-० गोलले पराजित गर्यो। उसको जितमा इम्रे क्यानले ५७ मिनेटमा गोल गरे।
लिगमा ३० खेलमा ७० अंक जोडेर वायर्न शीर्ष स्थानमा छ। दोस्रो स्थानको डोर्टमुन्डको समान खेलमा ६३ अंक छ।
