इटालियन सिरि 'ए' मा युभेन्ट्स उपाधितर्फ लम्किएको छ। युभेन्ट्सले शनिबार राति भएको खेलमा टोरिनोलाई ४-१ गोलले पराजित गर्यो।
युभेन्ट्सका लागि पाब्लो डिबालाले खेलको तेस्रो मिनेटमा उत्कृष्ट गोल गरेका थिए। जु कुएडार्डोले २९ मिनेटमा युभेन्ट्सको अग्रता दोब्बर पारे।
क्रिस्टियानो रोनाल्डोले ६१ मिनेटमा युभेन्ट्सका लागि तेस्रो गोल गरेका थिए। उनले हानेको फ्रिकिकले सिधैं गोलपोस्टको दिशा लिएको थियो।
८७ मिनेटमा टोरिनोका डिजिडिजीले आफ्नै पोस्टमा गोल गरेपछि युभेन्टसले चौथो गोल उपहारस्वरुप पायो।
लिगको दोस्रो स्थानमा रहेको टिम लाजियो भने पराजित भएको छ। लाजियोलाई एसि मिलानले ३-० गोलले पराजित गरेको छ।
लिगमा शीर्ष स्थानमा रहेको युभेन्ट्सले ३० खेलबाट ७५ अंक जोडेको छ। दोस्रो स्थानको लाजियोको ६८ अंक छ।
