स्पेनिस ला लिगाको अंक तालिकामा तेस्रो स्थानमा रहेको एट्लेटिको म्याड्रिड बराबरीमा रोकिएको छ।
एट्लेटिकोलाई सेल्टा भिगोले १-१ गोलको बराबरीमा रोकेको हो।
एट्लेटिकोका लागि अल्भारो मोराटाले सिजनकै छिटो गोल गरेका थिए। उनले खेलको ५० सेकेन्डमा गोल गर्दै एट्लेटिकोलाई अग्रता दिलाएका थिए।
खेलको ४९ मिनेटमा एट्लेटिकोका फ्रान बेलट्रनले बराबरी गोल फर्काउन सफल भए।
बराबरीपछि पनि एट्लेटिकोको शीर्ष चारमा रहेर च्याम्पियन्स लिगामा स्थान पक्का गर्ने अवस्था छ। एट्लेटिको पछिल्ला १५ खेलमा अपराजित छ।
लिगको शीर्ष स्थानको रियल म्याड्रिडको ३४ खेलबाट ७७ अंक छ भने दोस्रो स्थानको बार्सिलोनाको ७३ अंक छ।
३५ खेल खेलेर तेस्रो स्थानमा रहेको एट्लेटिकोको ६३ अंक छ भने एक खेल कम खेलेर चौथो स्थानमा रहेको सेभिल्लाको ६० अंक रहेको छ।