नर्विच सिटी सिजनको प्रिमियर लिगमा रेलिगेसनमा पर्ने पहिलो टिम बनेको छ।
गत सिजन च्याम्पियनसिप जितेर प्रिमियर लिगमा बढुवा भएको नर्विच शनिबार वेस्ट ह्याम युनाइटेडसँग ४-० ले पराजित भएसँगै रेलिगेसनमा परेको हो। नर्विच पछिल्ला सात खेलमा लगातार पराजित भएको हो।
नर्विचविरुद्ध वेस्ट ह्यामका एन्टोनियोले एक्लै चार गोल गरे। उनले खेलको ११, पहिलो हाफको इन्जुरी टाइम, ५४ र ७४ मिनेटमा गरी चार गोल गरेका थिए। उनी वेस्ट ह्यामका लागि एकै खेलमा चार गोल गर्ने १९८१ पछि पहिलो खेलाडी बने।
वेस्ट ह्यामसँग पराजित भएसँगै नर्विच अन्तिम तीन खेल बाँकी छदै रेलिगेसनमा परेको हो। नर्विच रेलिगेसनमा भन्दा माथि रहेका टिम वाटफोर्ड र वेस्ट ह्यामसँग १३ अंकले पछि परेसँगै रेलिगेसनमा परेको हो।
नर्विच सात सिजनको प्रिमियर लिग खेल्दा तीन पटक रेलिगेशनमा परिसकेको छ।