युइएफए नेसन्स लिगमा नर्वेले सानदार जित हात पारेको छ। सोमबार राति भएको समूह बी-१ को खेलमा नर्वेले नर्थन आयरल्यान्डलाई ५-१ गोलले पराजित गरेको हो।
नर्वेका लागि इल्यूनोसीले खेलको दोस्रो मिनेटमा गोल गरेर सुरुवाती अग्रता दिलाए।
यस्तै इर्लिङ हल्यान्डले दुई गोल गर्न सफल भए। उनले खेलको सातौं मिनेटमा टिमको अग्रता दोब्बर परेका थिए। यस्तै उनले ५८ मिनेटमा अर्को गोल गरेका थिए।
अघिल्लो खेलमा पनि हल्यान्डले अस्ट्रियाविरुद्ध एक गोल गरेका थिए। सो खेलमा भने नर्वे २-१ ले पराजित भएको थियो।
२० वर्षीय हल्यान्डले नर्वेका लागि चार अन्तर्राष्ट्रिय खेलमा तीन गोल गरिसकेका छन्।
नर्वेका लागि सोरलोथले पनि २ गोल गरे। उनले खेलको १९ र ४७ मिनेटमा गोल गरेका थिए।
यो समूहको अर्को खेलमा रोमानियाले अस्ट्रियालाई ३-२ गोलले पराजित गरेको छ। समूहमा रोमानिया ४ अंक जोडेर शीर्ष स्थानमा छ। दोस्रो स्थानको अस्ट्रियाको ३ अंक र तेस्रो स्थानको नर्वेको पनि ३ अंक नै छ।
यता समूह ए-१ को खेलमा इटालीले नेदरल्यान्ड्सलाई १-० गोलले पराजित गरेको छ। इटालीको जितमा बरेल्लाले पहिलो हाफको इन्जुरी टाइमको पहिलो मिनेटमा गोल गरे। उनलाई गोल गर्न इमोबिल सिरोले पास उपलब्ध गराएका थिए।
यो समूहको अर्को खेलमा पोल्यान्डले बोस्निया एन्ड हर्जगोभिनालाई २-१ गोलले पराजित गरेको छ।
खेलमा अग्रता भने बोस्नियाले हर्जाडिनोभिकले २४ मिनेटमा पेनाल्टीबाट गरेको गोलबाट लियो। पोल्यान्डका लागि ग्लिकले ४५ मिनेटमा बराबरी गोल गर्दा ग्रोसिस्कीले ६७ मिनेटमा अग्रता दिलाए।
समूहमा इटाली २ खेलबाट ४ अंक जोडेर शीर्ष स्थानमा छ। दोस्रो स्थानको नेदरल्यान्ड्सको ३ अंक छ। पोल्यान्ड पनि ३ अंक नै जोडेर शीर्ष स्थानमै छ। चौथो स्थानको बोस्नियाको १ अंक छ।
