क्लब छाड्ने असफल प्रयासपछि लिओनल मेसीले बार्सिलोनाका लागि पहिलो खेल खेलेका छन्।
मेसी शनिबार राति तेस्रो डिभिजनको क्लब जिम्न्यास्टिकसँगको मैत्रीपूर्ण खेलमा मैदान उत्रिएका हुन्।
मेसीले यहि सिजनबाट क्लब छाड्न चाहेका थिए। तर बार्सिलोनाले ७ सय मिलियन युरोको रिलिज क्लज देखाएपछि मेसीको क्लब छाड्ने प्रयास असफल भएको थियो।
क्लब छाड्ने असफल प्रयासपछि मैदान उत्रिदा मेसीलाई कप्तानको जिम्मेवारीमा निरन्तरता दिइएको थियो।
खेलमा बार्सिलोनाले ३-१ को जित हात पार्यो। बार्सिलोनाका लागि डेम्बेले, एन्टोनी ग्रिजम्यान र फिलिप काउटिन्होले गोल गरे।
लिगमा बार्सिलोनाले आइतबार इल्चेविरुद्ध खेल खेल्ने तय भएपनि सो खेल स्थगित गरिएको छ।
अब बार्सिलोनाको पहिलो खेल २७ सेप्टेम्बरमा छ। भिल्लारियलविरुद्ध सो खेल घरेलु मैदानमा हुनेछ।