दक्षिण एसियाली फुटबल महासंघ (साफ) ले सन् २०२० का लागि तय भएका तीन वटा युथ च्याम्पियनसिप रद्द गरेको छ।
साफले सन् २०२० का लागि तय भएको साफ यु–१५ च्याम्पियनसिप, साफ यु–१५ वुमेन्स च्याम्पियनसिप र साफ यु–१८ वुमेन्स च्याम्पियनसिप रद्द गर्ने निर्णय गरेको हो।
साफले कोरोना भाइरसको महामारीका कारण यो वर्ष युथ च्याम्पियनसिप आयोजना गर्न नसकिने जनाएको हो।
साफले युथ च्याम्पियनसिप रद्द गरिएको भन्दै सदस्य राष्ट्रलाई पत्र पठाएको अखिल नेपाल फुटबल संघ (एन्फा) ले जनाएको छ।
यसअघि साफ च्याम्पियनसिप २०२० पनि कोरोनाकै कारण स्थगित गरिएको थियो। त्यतिबेला युथ च्याम्पियनसिप डिसेम्बर गर्न सकिने आँकलन गरेको थियो।
तर दक्षिण एसियामा कोरोना भाइरसको संक्रमण बढिरहेकाले यो वर्ष कुनै पनि प्रतियोगिता नगर्ने साफले जनाएको छ।
युथ प्रतियोगिता रद्द गरिदा साफ च्याम्पिनसिप भने २०२१ मा गरिने साफको भनाइ छ।