फ्रेञ्च लिग वानको साविक विजेता पिएसजीले एन्जर्समाथि फराकिलो अन्तरको जित हात पारेको छ।
पिएसजीले शुक्रबार राति भएको खेलमा ६-१ गोलको जित हात पारेको हो।
लिगको सुरुवाती दुई खेलमा पराजित भएको पिएसजी त्यसपछि लगातार चार खेलमा विजयी भइसकेको छ।
शुक्रबार हात पारेको जितसँगै पिएसजी ६ खेलबाट १२ अंक जोड्दै अंक तालिकाको दोस्रो स्थानमा उक्लिएको छ।
शुक्रबार पिएसजीको जितमा नेइमारले दुई गोल गरेका थिए।
खेलको सातौं मिनेटमा फ्लोरेन्जीले गोल गरेर पिएसजीलाई सुरुवाती अग्रता दिलाए।
त्यसपछि नेइमारले ३६ मिनेटमा पिएसजीको अग्रता दोब्बर पारे। यो नेइमारले सिजनमा गरेको पहिलो गोल हो। नेइमराले ४७ मिनेटमा टिमका लागि तेस्रो तथा व्यक्तिगत दोस्रो गोल गरे।
पिएसजीका लागि ड्राक्सलरले ५७ मिनेटमा अर्को गोल गरे।
७१ मिनेटमा ग्युएले पाँचौ तथा ८४ मिनेटमा केलियन एपबाप्पेले पिएसजीका लागि छैटौं गरे।
