युइएफए नेसन्स लिगमा स्पेनले सानदार जित हात पारेको छ।
मंगलबार राति भएको समूह ए-४ को खेलमा स्पेनले जर्मनीलाई ६-० गोलले पराजित गरेको हो।
स्पेनको जितमा फेरान टोरेशले ह्याट्रिक गरे। उनले खेलको ३३, ५५ र ७१ मिनेटमा गोल गर्दै ह्याट्रिक पूरा गरे।
अल्भारो मोराटाले १७ मिनेटमा पहिलो गोल गर्दा रोद्रीले ३८ मिनेटमा अर्को गोल गरे।
ओयारजाबालले ८९ मिनेटमा छैटौं गोल गरेका थिए। जितसँगै स्पेन चार टिमबीच हुने फाइनल चरणमा प्रवेश गरेको छ।
फ्रान्स पनि फाइनल चरणमा स्थान पक्का गरेको छ। फ्रान्सले स्विडेनलाई ४-२ गोलले पराजित गर्यो।
फ्रान्सको जितमा ओलिभर जिरुडले १६ र ५९ मिनेटमा गोल गर्दा पभार्डले ३६ र कोम्यानले दोस्रो हाफको इन्जुरी टाइममा गोल गरे।
समूह ए-३ को खेलमा पोर्चुगलले क्रोएसियालाई ३-२ गोलले हराएको छ।
पोर्चुगलको जितमा रुबेन डियासले ५२ र ९० मिनेटमा गरी दुई गोल गरे। यस्तै सेक्युइराले पोर्चगलका लागि एक गोल गरे।