ला लिगा लिडर एट्लेटिको म्याड्रिड कोपा डेल रेमा भने दोस्रो चरणबाटै बाहिरिएको छ।
बुधबार भएको खेलमा एट्लेटिको तेस्रो श्रेणीको क्लब युई कोर्नेलासँग १-० गोलले पराजित भएको हो।
कोर्नेलाको जितमा एड्रियन जिमेनेजले निर्णायक गोल गरेका थिए। उनले सातौं मिनेटमा अगस्टिन मेडिनाको फ्रिकिक बललाई गोल पोस्टको दिशा दिएका थिए।
एट्लेटिकोले अन्तिम २७ मिनेट १० खेलाडीमा खेल्नु परेको थियो। रिचार्ड सान्चेज दोस्रो पहेँलो कार्ड पाउँदै ६३ मिनेटमा मैदान छाड्न बाध्य भएका थिए।
खेलमा एट्लेटिको म्याड्रिडका डिफेन्डर जोस जिमेनेज घाइते भएका थिए।
एट्लेटिको लगातार दोस्रो सिजन तेस्रो श्रेणीको क्लबसँग पराजित भएर कोपा डेल रेबाट बाहिरिएको हो।
गत सिजन एट्लेटिको कल्चरल लिओनेसासँग पराजित भएको थियो।