स्पेनिस ला लिगामा बार्सिलोनाले सानदार जित हात पारेको छ। शनिबार भएको खेलमा बार्सिलोनाले ग्रानडामाथि ४-० को जित निकालेको हो।
बार्सिलोनाको जितमा एन्टोनी ग्रिजम्यान र लिओनल मेसीले २-२ गोल गरे।
खेलको १२ मिनेटमा ग्रिजम्यानले गोल गरेर बार्सिलोनालाई अग्रता दिलाए।
खेलको ३५ मिनेटमा मेसीले अग्रता दोब्बर पारे। मेसीलाई गोल गर्न ग्रिजम्यानले पास दिएका थिए।
४२ मिनेटमा मेसीले ब्यक्तिगत दोस्रो गोल गर्दा बार्सिलोना पहिलो हाफमा ३-० गोलले अघि रह्यो।
ग्रिजम्यानले ६३ मिनेटमा टिमका लागि चौथो र व्यक्तिगत दोस्रो गोल गरे। उनले डेम्बेलेको पासमा गोल गरेका थिए।
खेलको ७८ मिनेटमा ग्रानडा १० खेलाडीमा सीमित भयो। भलेजोले रातो कार्ड पाउँदै मैदान छाडेपछि ग्रानडाले अन्तिम १२ मिनेट १० खेलाडीमा खेल्नु परेको थियो।
लिगको अर्को खेलमा रियल म्याड्रिडलाई ओसासुनाले गोलरहित बराबरीमा रोकेको छ।
सेभियाले रियल सोसिडाडमाथि ३-२ गोलले पराजित गरेको छ।
शीर्ष स्थानको एट्लेटिको म्याड्रिड र एथ्लेटिक बिल्बाओबीचको खेल भने मौषमका कारण स्थगित भएको छ।
शीर्ष स्थानको एट्लेटिकोको १५ खेलबाट ३८ अंक छ। दोस्रो स्थानको रियलको १८ खेलबाट ३७ अंक छ भने तेस्रो स्थानको बार्सिलोनाले १८ खेलबाट ३४ अंक रहेको छ।
