इंग्लिस प्रिमियर लिगको साविक विजेता लिभरपुलको घरेलु मैदानमा ६८ खेलको अपराजित यात्रामा पूर्णबिराम लागेको छ।
प्रिमियर लिगअन्तर्गत बिहीबार राति भएको खेलमा वर्नलीसँग १-० ले पराजित भएसँगै लिभरपुलको अपराजित यात्रा टुंगिएको हो।
वर्नलीको जितमा वर्नसले खेलको ८३ मिनेटमा गोल गरेका थिए। उनले पेनाल्टीमा गोल गरेका हुन्।
वर्नलीले लिभरपुलको मैदानमा सन् १९७४ पछि पहिलो पटक जित हात पारेको हो।
लिभरपुल सन् अप्रिल २०१७ देखि घरेलु मैदानमा पराजित भएको थिएन।
अप्रिल २०१७ मा लिभरपुललाई घरेलु मैदानमा क्रिस्टल प्यालेसले हराएको थियो।
पराजयसँगै लिभरपुल शीर्ष स्थानको म्यानचेस्टर युनाइटेडसँग ६ अंकले पछि परेको छ।
शीर्ष स्थानको युनाइटेडको १९ खेलबाट ४० अंक छ। दोस्रो स्थानको म्यानचेस्टर सिटीको १८ खेलबाट ३८ अंक छ।
तेस्रो स्थानको लेस्टरले १९ खेलबाट ३८ अंक जोड्दा चौथो स्थानको लिभरपुलको ३४ अंक छ।
