स्पेनिस कोपा रे फुटबल प्रतियोगितामा बार्सिलोना अन्तिम १६ मा प्रवेश गरेको छ।
बिहीबार राति थप समयमा पुगेको खेलमा तेस्रो डिभिजनको क्लब कोर्नेल्लालाई २-० गोलले पराजित गर्दै बार्सिलोना अन्तिम १६ मा पुगेको हो।
निर्धारित समयको खेल गोलरहित बराबरीमा सकिएको थियो। खेलको ८० मिनेटमा बार्सिलोनाले दुई पटक पेनाल्टी पाए पनि गोल गर्न सकेन।
प्राप्त पेनाल्टी प्जानिक र उस्मान डेम्बेले गोल गर्न चुकेका थिए।
खेलको ९२ मिनेटमा बार्सिलोनाले डम्बेलेको गोलबाट अग्रता लिएको थियो।
थप समयको इन्जुरी टाइममा ब्रेथवेटले बार्सिलोनाका लागि दोस्रो गोल गरे।
खेलमा नियमित कप्तान लिओनल मेसी प्रतिबन्धका कारण अनुपस्थित थिए।
स्पेनिस सुपर कपमा विपक्षी खेलाडीलाई पछाडिबाट तानेपछि रातो कार्ड पाएका मेसीलाई दुई खेलको प्रतिबन्ध लगाइएको थियो।