नेपाल पुलिस क्लबले राष्ट्रिय महिला लिगमा पहिलो जित हात पारेको छ।
शुक्रबार एन्फा कम्प्लेक्स सातदोबाटोमा भएको खेलमा पुलिसले चौदण्डीगढी नगरपालिका उदयपुरलाई ६-० गोलले पराजित गर्यो।
पुलिसको जितमा रेखा पौडेल र सिर्जना खड्काले २-२ गोल गरे। यस्तै अमृता जैशी र निर्मला विकले १-१ गोल थपे।
खेलको २८ मिनेटमा रेखाले पहिलो गोल गरिन्। उनले ८९ मिनेटमा टिमका लागि पाँचौ र व्यक्तिगत दोस्रो गोल गरेकी थिइन्।
अमृताले ४१ मिनेटमा टिमको अग्रता दोब्बर पारिन्। ४५ मिनेटमा सिर्जनाले टिमका लागि तेस्रो गोल गरिन्।
निर्मलाले पहिलो हाफको इन्जुरी टाइमको दोस्रो मिनेटमा टिमका लागि चौथो गोल गरेकी थिइन्।
सिर्जनाले दोस्रो हाफको इन्जुरी टाइममा टिमको लागि छैटौं र व्यक्तिगत दोस्रो गोल गर्न सफल भइन्।
