इंग्लिस प्रिमियर लिगमा म्यानचेस्टर युनाइटेड अंक तालिकाको पुछारमा रहेको शेफिल्ड युनाइटेडसँग २-१ गोलले पराजित भएको छ।
खेलको २३ मिनेटमा ब्रायनको गोलबाट शेफिल्डले अग्रता लियो। ६४ मिनेटमा माग्युरले युनाइटेडका लागि बराबरी गोल फर्काए।
ब्रुर्कले ७४ मिनेटमा अर्को गोल गर्दा शेफिल्ड २-१ गोलले पराजित गर्यो।
लिगका अन्य खेलमा चेल्सी र वुल्भ्सले गोलरहित बराबरी खेलेका छन्।
लिगमा म्यानचेस्टर सिटी १९ खेलबाट ४१ अंक जोड्दै शीर्ष स्थानमा छ। शीर्ष स्थानमा उक्लने मौका गुमाएको म्यानचेस्टर युनाइटेड २० खेलबाट ४० अंक जोडेर दोस्रो स्थानमा छ।
लेस्टर सिटी २० खेलबाट ३५ अंक जोड्दै तेस्रो स्थानमा छ।
पुछारमा रहेको शेफिल्डको २० खेलबाट ८ अंक छ।