बार्सिलोना कोपा डेल रे फुटबल प्रतियोगिताको क्वार्टरफाइनलमा प्रवेश गरेको छ।
बुधबार राति भएको खेलमा रायो भालेकानोमाथि २-१ गोलको जित निकाल्दै बार्सिलोना अन्तिम आठमा पुगेको हो।
खेलमा अग्रता भने भालेकानोले लियो। उसका लागि खेलको ६३ मिनेटमा गार्सिया टोरेशले गोल गरे।
खेलको ६९ मिनेटमा कप्तान लिओलन मेसीले बार्सिलोनाका लागि बराबरी गोल फर्काए। उनले ग्रिजम्यानको पासमा गोल गरे।
स्पेनिस सुपर कपको फाइनलमा विपक्षी खेलाडीलाई धकेलेपछि रातो कार्ड पाएका मेसीले थप दुई खेलमा प्रतिबन्ध झेलेका थिए। दुई खेलको प्रतिबन्धपछि मैदान फर्किदा मेसीले गोल गर्न सफल भएका हुन्।
खेलको ८० मिनेटमा डे जोङले गोल गरेपछि बार्सिलोनाले २-१ को अग्रता बनाएको थियो।
प्रतियोगिताको अन्य खेलमा सेभियाले भ्यालेन्सियालाई ३-० गोलले पराजित गरेको छ।