'इटालियन सिरि ए' अन्तर्गत मिलान डर्बीमा इन्टर मिलानले एसी मिलानलाई पराजित गरेको छ।
आइतबार राति एसी मिलानको मैदानमा भएको खेलमा इन्टर मिलानले ३-० को जित हात पारेको छ।
इन्टरको जितमा मार्टिनेजले ५ र ५७ मिनेटमा गरी दुई गोल गरे। ६६ मिनेटमा लुकाकुले इन्टरका लागि तेस्रो गोल गरे।
यता तेस्रो स्थानको रोमालाई बेनेभेन्तोले गोलरहित बराबरीमा रोकेको छ भने एटलान्टानले नापोलीलाई ४-२ गोलले पराजित गरेको छ।
अंक तालिकामा इन्टर मिलान २३ खेलबाट ५३ अंक जोडेर शीर्ष स्थानमा छ।
दोस्रो स्थानको एसी मिलानको २३ खेलबाट ४९ अंक छ। रोमा ४४ अंकसहित तेस्रो र एटलान्टा ४३ अक अंक जोडेर चौथो स्थानमा रहेको छ।
पाँचौ स्थानको लाजियोको पनि ४३ अंक नै छ। दुई खेल कम खेलेको छैटौं स्थानको युभेन्ट्सको ४२ अंक छ।