स्पेनिस ला लिगा लिडर एट्लेटिको म्याड्रिडले दोस्रो स्थानको बार्सिलोनासँगको अंक दूरी पाँचमा पुर्याएको छ।
आइतबार राति भएको खेलमा भिल्लारियललाई २-० गोलले पराजित गरेपछि एट्लेटिकोको अग्रता थप बढेको हो।
भिल्लारियलको मैदानमा भएको खेलमा एट्लेटिकोले आत्मघाती गोलको मद्दतमा अग्रता लियो।
२५ मिनेटमा भिल्लारियलका फेड्राजाले आफ्नै पोस्टमा गोल गर्दा एट्लेटिकोलाई फाइदा पुगेको थियो।
६९ मिनेटमा सेक्युराले एट्लेटिकोको अग्रता दोब्बर पारेका थिए।
अंक तालिकाको शीर्ष स्थानमा रहेको एट्लेटिकोले जितपछि २४ खेलबाट ५८ अंक जोडेको छ।
दोस्रो स्थानमा रहेको बार्सिलोनाको २५ खेलबाट ५३ अंक छ।
२४ खेलबाट ५२ अंक जोडेको रियल म्याड्रिड तेस्रो स्थानमा छ। रियलले सोमबार रियल सोसिडाडलाई हराए बार्सिलोनालाई पछि पारेर दोस्रो स्थानमा उक्लनेछ।
