स्पेनिस ला लिगामा बार्सिलोनाले शनिबार राति भएको खेलमा जित हात पारेको छ।
बार्सिलोनाले शनिबार राति ओसासुनालाई २-० गोलले पराजित गर्यो।
बार्सिलोनाका लागि जोर्डी अल्बाले ३० मिनेटमा पहिलो गोल गरे। उनले कप्तान लिओनल मेसीले उपलब्ध गराएको पासमा गोल गरेका थिए।
८३ मिनेटमा मोरिबाले बार्सिलोनाको अग्रता दोब्बर पारे। उनलाई पनि मेसीले नै पास उपलब्ध गराएका थिए।
१८ वर्षीय मोरिबाले बार्सिलोनाका लागि पहिलो गोल गरेका हुन्।
जितसँगै बार्सिलोनाले २६ खेलबाट ५६ अंक जोडेको छ। बार्सिलोना दोस्रो स्थानमा छ।
शीर्ष स्थानको एट्लेटिको म्याड्रिडको २४ खेलबाट ५८ अंक छ।
