ला लिगाअन्तर्गत म्याड्रिड डर्बी भिडन्त बराबरीमा सकिएको छ।
आइतबार राति भएको खेलमा एट्लेटिको म्याड्रिड र रियल म्याड्रिडले १-१ गोलको बराबरी खेलेर अंक बाडेका हुन्।
खेलको १५ मिनेटमा लुइस सुआरेजले गोल गरेर एट्लेटिकोले अग्रता लिएको थियो।
८८ मिनेटमा रियल म्याड्रिडका करिम बेन्जिमाले बराबरी गोल फर्काउन सफद्य भए। बेन्जिमाले कासेमिरोले दिएको पासमा गोल गरेका थिए।
त्यसअघि बेन्जिमाले गोल गरेको प्रयासमा एट्लेटिकाका गोलकिपर जान ओब्लाक बाधक बनेका थिए।
बराबरीपछि पनि एट्लेटिकोले अंक तालिकामा ३ अंकको अग्रता लिएको अवस्थामा छ। शीर्ष स्थानको एट्लेटिकोले २५ खेलबाट ५९ अंक जोडेको छ।
दोस्रो स्थानको बार्सिलोनाको २६ खेलबाट ५६ अंक छ भने रियल २६ खेलबाट ५४ अंक जोडेर तेस्रो स्थानमा रहेको छ।