अखिल नेपाल फुटबल संघ (एन्फा) ले एन्फा प्रेसिडेन्ट लिग २०७७ प्रतियोगिता चैत पहिलो सातादेखि गर्ने भएको छ।
सात प्रदेशका च्याम्पियनबीच गरिने प्रतियोगिता आगामी चैत २ गतेदेखि नेपालगञ्जमा आयोजना गरिने एन्फाका उपमहासचिव अरुणमान जोशीले जनाएका छन्।
लिगमा प्रदेश १ को शैनिक फुटबल क्लब (झापा), प्रदेश २ को मनकामना युवा क्लब (रौतहट), बागमती प्रदेशको धादिङ समाज (धादिङ), गण्डकी प्रदेशको त्रिवेनी युवा क्लब (लमजुङ), लुम्बिनी प्रदेशको धम्बोजी स्पोर्ट्स क्लब (बाँके), कर्णाली प्रदेशको लेकाली युवा क्लब (जुम्ला) र सुदूरपश्चिमको स्टार सिटी युवा क्लब (कैलाली) बीच प्रतिस्पर्धा हुनेछ।
सिंगल राउन्ड रोबिनको आधारमा हुने प्रतियोगिताको पहिलो खेल चैत २ गते मनकामना युवा क्लब र स्टार सिटी युवा क्लबबीच खेल हुनेछ।