इंग्लिस प्रिमियर लिगमा म्यानचेस्टर युनाइटेडले टोटेनहमलाई हराएको छ। आइतबार राति भएको खेलमा युनाइटेडले टोटेनहमलाई ३-१ गोलले हरायो।
टोटेनहमले खेलको ४० मिनेटमा सन मिनको गोलबाट अग्रता लियो।
दोस्रो हाफमा म्यानचेस्टरले तीन गोल गर्यो। म्यानचेस्टरका लागि फ्रेडले ५७ मिनेट, काभानीले ७९ मिनेट र ग्रिनउडले दोस्रो हाफको इन्जुरी टाइमको छैटौं मिनेटमा गोल गरे।
आर्सनलले सेफिल्डलाई ३-० गोलले हरायो। आर्सनलका लागि लाकाजेटीले ३३ र ७५ मिनेटमा दुई गोल गर्दा मार्टिनेलीले ७१ मिनेटमा गोल गरेका थिए।
अंक तालिकामा म्यानचेस्टर युनाइटेड ३१ खेलबाट ६३ अंक जोडेर दोस्रो स्थानमा छ। शीर्ष स्थानको म्यानचेस्टर सिटीको ३२ खेलबाट ७४ अंक छ।
टोटनहम ३१ खेलबाट ४९ अंक जोडेर सातौं र आर्सनल ४५ अंक जोडेर नवौं स्थानमा छन्।