नेपाल सुपर लिग (एनएसएल) २०२१ फ्रेञ्चाइज फुटबल प्रतियोगिताको पहिलो खेलमा काठमाडौं रेजर्स र ललितपुर सिटी एफसीबीच प्रतिस्पर्धा हुने भएको छ।
वैशाख ११ गते दशरथ रंगशालामा हुने खेल अपरान्ह ५:३० बजे सुरू हुनेछ।
दोस्रो दिन बैशाख १२ गतेको दिउँसको खेलमा विराटनगर सिटी एफसी र धनगढी एफसीबीच खेल हुनेछ। सोही दिनको अपरान्हको खेलमा पोखरा थन्डर्स र बुटवल लुम्बिनी एफसी भिड्नेछन्।
वैशाख २६ गतेसम्म लिग चरणका खेल हुनेछन्। सात टिम एकआपसमा भिडेपछि २८ गते शीर्ष दुई टिम भिड्नेछन्। विजेता टिम फाइलन पुग्नेछ।
तेस्रो र चौथो टिमबीच २९ वैशाखमा खेल हुनेछ। जित हात पार्ने टिम एलिमिनेटमा पुग्नेछ। उसले पहिलो शीर्ष दुई टिमबीच हार्ने टिमसँग प्रतिस्पर्धा गर्नेछ। यो खेलको विजेता फाइनलमा पुग्नेछ।
फाइनल खेल जेठ १ मा हुनेछ।
एनएसएलमा विराटनगर सिटी एफसी, काठमाडौं रेजर्स एफसी, ललितपुर सिटी एफसी, एफसी चितवन, पोखरा थन्डर्स, बुटवल लुम्बिनी एफसी र धनगढी एफसीले प्रतिस्पर्धा गर्नेछन्।
खेल तालिका