स्पेनिस ला लिगामा एट्लेटिको म्याड्रिड शीर्ष स्थानमा फर्किएको छ।
बिहीबार राति भएको खेलमा हुएस्कालाई २-० गोलले पराजित गर्दै एट्लेटिको शीर्ष स्थानमा फर्किएको हो।
एट्लेटिकोको जितमा कोरिआले ३९ मिनेट तथा कारास्कोले ८० मिनेटमा गोल गरेका थिए।
यता बार्सिलोनाले गेटाफेलाई ५-२ गोलले पराजित गर्यो। बार्सिलोनाका लागि मेसीले आठौं र ३३ मिनेट दुई गोल गरे।
अजाउरोले ८७ मिनेट र एन्टोनियो ग्रिजम्यानले दोस्रो हाफको इन्जुरी टाइमको तेस्रो मिनेटमा गोल गरे। २८ मिनेटमा गेटाफेका छक्लाले आत्मघाती गोल गरे।
अंक तालिकामा एट्लेटिकोले ३२ खेलबाट ७३ अंक जोडेको छ। दोस्रो स्थानको रियल म्याड्रिडको ३२ खेलबाट ७० अंक छ। बार्सिलोना ३१ खेलबाट ६८ अंक जोड्दै तेस्रो स्थानमा छ।
