नेपाल सुपर लिगमा ललितपुर सिटी प्लेअफमा प्रवेश गरेको छ। शनिबार दशरथ रंगशालामा भएको विराटनगर सिटी एफसीलाई ४-० गोलले पराजित गर्दै ललितपुर प्लेअफमा पुगेको हो।
जितसँगै लिग चरणकासबै खेल खेलेको ललितपुरले तेस्रो स्थानमा उक्लदै ९ अंक जोडेको छ।
यसअघि शीर्ष स्थानको धनगढी एफसी र दोस्रो स्थानको काठमाडौं रेजर्स १०-१० अंक जोड्दै प्लेअफमा पुगिसकेका छन्।
आजको खेलसँगै धनगढी र काठमाडौं शीर्ष दुईमा रहने पनि पक्का भएको छ।
शनिबार ललितपुरका लागि कप्तान अञ्जन विष्टले दुई गोल गरे। उनले खेलको ३६ र ८१ मिनेटमा गोल गरेका थिए।
यस्तै विमल रानाले ६४ मिनेटमा एक गोल गर्दा दोस्रो हाफको इन्जुरी टाइममा नुर्लान जाहिदले अर्को गोल थपे।
हारसँगै विराटनगर भने बाहिरिएको छ।
अब प्लेअफमा पुग्ने एक टिमको टुंगो लाग्न बाँकी छ। ८ अंक जोडेको पोखरा थन्डर्स र ५ अंक जोडेको बुटवल लुम्बिनी एफसी मध्ये एक टिम प्लेअफमा पुग्नेछन्।
जसको टुंगो धनगढी र बुटवलबीच अहिले साढे पाँच बजे हुने खेलपछि लाग्नेछ। धनगढी विजयी भए पोखरा प्लेअफमा पुग्नेछ।
बुटवलले जित हात पारे अन्तिम चारमा रहदै प्लअफमा पुग्नेछ। बुटवलले जित हात पारे ८ अंक जोड्दै हेड टु हेडमा अघि रहेर अन्तिम चारमा स्थान बनाउनेछ।
