नेपाली राष्ट्रिय फुटबल टिमका मुख्य प्रशिक्षक अब्दुल्लाह अल्मुताइरीले माफी मागेका छन्।
उनले सोमबार आफ्नो फेसबुकमार्फत् खेलाडी, समर्थक र नेपाली जनतासँग माफी मागेका हुन्। एक महिनाअघि एक मिडियासँगको अन्तर्वार्तामा दिएको अभिव्यक्तिप्रति उनले माफी मागेका हुन्।
आफूले दिएको अभिव्यक्तिको गलत अर्थ लागेको भन्दै उनले स्पष्ट पारेका छन्।
'मैले उक्त अन्तर्वार्तामा पछिल्ला तीन दशकमा कहाँ र कसरी हाम्रो नेपाली टिम र अरू एसियाली राष्ट्रले फुटबलमा विकास गरे भन्नमात्रै खोजेको थिएँ,' उनले भनेका छन्। उनले आफ्नो अभिव्यक्तिलाई नेपाली फुटबल परिवारले गलत बुझेको कारण आफूले माफी मागेको बताए।
'म सबै नेपाली नागरिक र विशेषगरी पूर्वखेलाडी र प्रशिक्षक वा अरू जसले मेरो भनाइलाई गलत बुझे उनीहरूसँग माफी माग्न चाहन्छु,' उनले लेखेका छन्। साथै नेपाली टोलीप्रति सधैं सम्मान रहने उनको भनाइ छ।
केही समयअघि अल्मुताइरीले फेसबुकमार्फत् मुख्य प्रशिक्षकबाट राजीनामा दिने घोषणा गरेका थिए। राजीनामाको घोषणा गरे पनि उनले पत्र बुझाएका भने थिएनन्।