नागरिक अगुवा र विभिन्न पेशाकर्मी संगठनहरुले बुधबार सरकारले राष्ट्रपतिको प्रमुख आतिथ्यमा मनाउने गणतन्त्र दिवस बहिस्कार गर्दै नयाँ बानेश्वरमा समानान्तर गणतन्त्र दिवस मनाउँदै छन् ।
नेपालमा गणतन्त्र स्थापना भएको पाँच वर्षपछि पहिलोपल्ट नागरिक अगुवा र पेशाकर्मीले गणतन्त्र दिवसको छुट्टै कार्यक्रम गर्न लागेका हुन् ।
बुधबार बिहान साढे आठ बजे नयाँ बानेश्वरमा आयोजना हुने गणतन्त्र दिवसको भेलामा अधिवक्ता शम्भु थापा, महेन्द्र गुरुङ, बार एसोसिएसनका अध्यक्ष हरिकृष्ण कार्की, पत्रकार महासंघका सभापति शिव गाउँले, शर्मिला कार्की, डा. अञ्जनी झा, मीरा कायस्थ, कलाकारहरु मनोज गजुरेल, बद्री पंगेनी, रुविन गन्धर्वलगायतले राष्ट्रपतिका पछिल्ला कदम र सरकारको विरोध गर्ने कार्यक्रम रहेको आयोजकले जनाएका छन् ।
