राजेन्द्र महतो समूहको सद्भावना पार्टीले आह्वान गरेको मधेश बन्दका कारण आज तराईका जिल्लाको जनजीवन प्रभावित बनेको छ । पश्चिम तराईका चितवन, नवलपरासी, रुपन्देही, कपिलवस्तु, बर्दियालगायतका जिल्लामा पनि यातायातका साधन चल्न दिइएको छैन । तत्काल चुनावको मितिको घोषणा गर्नुपर्ने, महतोको अनसनमा हस्तक्षेप गर्नेलाई कारवाही गर्नुपर्ने जस्ता माग उनीहरुको छ ।
तत्काल निर्वाचनको मिति घोषणा लगायतका विभिन्न १० वुँदे माग गर्दै आएको राजेन्द्र महतो नेतृत्वको सद्भावना पार्टीले गरेको मधेश बन्दका कारण आज तराईका धनुषा, महोत्तरी, सिरहा, सप्तरी, सर्लाही, बारा, पर्सा, मोरङ, चितवन, नवलपरासी, रुपन्देही, कपिलवस्तु, बर्दियालगायतका २२ जिल्लाको जनजीवन प्रभावित भएको छ ।
बन्दको कारणले स्कुल, कलेज, यातायात, बजार, पसल, कलकारखाना सम्पूर्ण रुपमा बन्द छन् । यसैबीच प्रेस, एम्वुलेन्स, तथा अत्यावश्यकीय सेवाका सवारी साधन भने संचालनमा अवरोध नगर्ने सो पार्टीले जनाएको छ।
आफूहरुले राखेका माग पुरा नगरे सम्म आन्दोलन जारी रहने सद्भावनाले जनाएको छ।