दक्षिण भारतीय अभिनेता प्रभास आगामी फिल्म 'कल्कि २८९८ एडी' लाई लिएर चर्चामा छन्। फिल्मलाई लिएर दर्शक निकै उत्साहित छन्।
हालै प्रभासले फिल्मको प्रमोशनको क्रममा आफ्नो विवाहबारे खुलेर कुराकानी गरेका छन्।
'म अहिले विवाह गर्न सक्दिनँ किनकी म आफ्नो परिवारको भावनामा ठेस पुर्याउन चाहन्नँ,' उनले भने। लामो समयदेखि प्रभासले विवाह गर्न लागेको भन्ने खबर फैलिएको थियो।
प्रभासले हालै सामाजिक सञ्जालमा एक पोस्ट सेयर गरेका थिए। त्यसपछि उनका फ्यानले विवाह गर्न लागेको अनुमान लगाएका हुन्।
'कल्कि २८९८ एडी' मा प्रभाससँगै अमिताभ बच्चन, दीपिका पादुकोण र कमल हासनको मुख्य भूमिका छ।
यो प्रभासको करियरकै सबैभन्दा महँगो फिल्म हुनेछ। भारतीय सञ्चारमाध्यमका टाइम्स अफ इन्डियाका अनुसार फिल्मको बजेट ६०० करोड भारू छ।
नाग अश्विनले निर्देशन गर्न लागेको फिल्ममा अश्विनी दत्तको लगानी रहने छ। इन्डियन माइथोलोजीबारे फिल्मको कथा हुनेछ।
1623773574-1718183469.jpeg)
