आगामी अप्रिल २१ मा अमेरिकको न्युयोर्कबाट पहिलो पटक लन्च हुन लागेको सामसुङ ग्यालेक्सी S8 को पूर्व अर्डर १० लाख पुग्ने अनुमान गरिएको छ। सामसुङ बजार ब्यवस्थापकका अनुसार गत अप्रिल १३ तारिखदेखि बुकिङ खुल्ला गरिएको सामसुङ ग्यालेक्सी S8 को पूर्वबुकिङ ७ लाख २० हजार युनिट पुगिसकेको छ। ग्यालेक्सी सिरिजका मोबाइलको इतिहासमै S8 को पूर्व बुकिङ सबैभन्दा उच्च हो।
यसभन्दा पहिला बुकिङ खुल्ला गरिएको १३ दिनमा ४ लाख युनिट बुकिंङ भएसँगै समसुङ नोट सेभेन दोस्रो स्थानमा छ। २ लाख युनिट बुकिङ भएको एस सेभेन तेस्रो स्थानमा परेको छ।
दुई किसिमको साइजमा रहेको ग्यालेक्सी S8 र S8 प्लसको स्टान्डर्ड स्क्रिन डिस्प्ले क्रमसः ५.८ इन्च तथा ६.२ इन्चको छ भने दुवै मोडेलमा ४ जिबीको र्याम तथा ६४ जिबी स्टोरेज रहेको छ। त्यस्तै फुल फिचरसहित ग्यालेक्सी S8 को मूल्य ७२० अमेरिकी डलर राखिएको छ।