सप्तरीको कृष्णसवरण गाउँपालिका–३ स्थित डुमजोर खोलामा डुबेर आज बिहान एक बालिकाको मृत्यु भएको छ ।
मृत्यु हुनेमा स्थानीय मनोज शर्माकी पाँच वर्षीया छोरी लक्ष्मीकुमारी रहेको प्रहरीले जनाएको छ ।
बिहीबार साँझदेखि घरबाट अचानक हराएकी बालिकालाई खोजी गर्ने क्रममा घर नजिकै रहेको डुमजोर खोलाको पानीमा डुबेरको अवस्थामा आज बिहान फेला परेको प्रहरी चौकी, पकरीले जनाएको छ । उनी खेल्दाखेल्दै पानीमा डुबेको हुनसक्ने बताइएको छ ।
यता शव परीक्षणका लागि राजविराजस्थित गजेन्द्रनारायण सिंह सगरमाथा अञ्चल असपतालमा ल्याइएको र घटनाबारे थप अनुसन्धान पनि भइरहेको जिल्ला प्रहरी कार्यालय, सप्तरीले जनाएको छ । रासस
--1715160207.JPG)
