जिल्लामा दर्ता हुने लघु, घरेलु तथा साना उद्योग दर्ता अब ‘उद्योग विकास शाखा’बाट हुने भएको छ।
यसअघि घरेलु तथा साना उद्योग कार्यालय र घरेलु तथा साना उद्योग विकास समिति कार्यालयबाट उद्योग दर्ता हुँदै आएकोमा अबदेखि उद्योग विकास शाखाबाट हुन लागेको हो।
उद्योग मन्त्रालयको यही असार १४ गतेको सचिवस्तरीय निर्णयअनुसार घरेलु तथा साना उद्योग कार्यालय र घरेलु तथा साना उद्योग विकास समिति कार्यालयबाट हुने काम उद्योग विकास शाखाबाट गर्न समिति र विभागलाई निर्देशन दिएको हो।
हाल ४८ जिल्लामा घरेलु तथा साना उद्योग विकास समिति र २७ जिल्लामा घरेलु तथा साना उद्योग विभागबाट काम हुँदै आएको छन्।
घरेलु तथा साना उद्योग विकास समितिका निमित्त कार्यकारी निर्देशक सुरेन्द्रकुमार थापामगरले जिल्ला सदरमुकाममा रहेका घरेलु तथा साना उद्योग कार्यालय र समितिबाट काम गर्दे आए पनि अब उद्योग विकास शाखाबाट गर्ने बताए।
उनले भने “अहिले प्रत्येक जिल्लाको जिल्ला सदरमुकाममा रहेका उद्योग विकास शाखाबाट काम गर्ने र विस्तारै यसलाई ७४४ वटै स्थानीय तहमा पु¥याउनेछौँ।”
उद्योग विकास शाखाको सम्पूर्ण काम भने घरेलु तथा साना उद्योग विभाग र समितिका कर्मचारीले गर्नेछन् । रासस
