नेकपा एमालेको ‘लाल किल्ला’ मानिने झापाको ८ वटै नगरपालिकामा एमालेले पकड बनाएको छ। मतगणनाको दोस्रो दिन भद्रपुर, मेची, दमक, कन्काई, अर्जुनधारा, गौरादह, शिवशताक्षी र विर्तामोडको सबै नगरपालिकामा एमालेले पकड बनाएको हो।
दमकबाहेक सबै नगरपालिकामा एमालेलाई नेपाली कांग्रेसले पछ्याइरहेको छ। विवाद भएको दमकमा वडा नम्बर २ को मतगणना हुँदा एमालेको प्रतिद्वन्दी राष्ट्रिय प्रजातन्त्र पार्टी (राप्रपा) देखिएको छ।
यस नगरपालिकामा वडा नम्बर १ को मतगणनामा धाँधली भएको आरोप राप्रपाले लगाएपछि विवाद भएको थियो।
