दोस्रो चरणको स्थानीय तहको निर्वाचनको मतगणना जारी छ। मतपरिणाम आउने क्रम समेत तिव्र छ। कम जनसंख्या भएका जिल्लाहरुको मतगणना सकिएको छ। तर अझै पनि कयौं स्थानीय तहको परिणाम आउन बाँकी छ। आइतबार अबेरसम्ममा भने अधिकाशं गाँउपालिका र साना नगरपालिकाहरुको मत परिणाम आउने देखिन्छ।
प्रदेश नं ५ मा रहेका चार उपमहानगरपालिकाको मतपरिणाम आउन भने अझै एक साता लाग्नै देखिन्छ। नेपालगञ्ज, बुटवल, तुलसीपुर र घोराहीको मतगणना सुस्त छ।
प्रदेश नं ५ अन्तर्गतको रूकुम जिल्लाको मात्र हामसम्म मतगणना सकिएको छ। कपिलवस्तु र रूपन्देही जस्तो बाक्लो जनसंख्या भएका स्थानीय तहहरुको रिजल्ट आउन बाँकी छ। प्रदेश ५ का १२ मध्ये ११ जिल्लामा मतगणना जारी रहँदा सर्वसाधारण भने व्यग्रताका साथ मतपरिणामको अपेक्षा गरिरहेका छन्।
रोल्पामा सुर्वाणावती गाउँपालिकाको मात्र मतपरिणाम सार्वजनिक हुन बाँकी रहेको छ। सुवर्णावतीमा माओवादी केन्द्रका गुणेन्द्र घर्ती अगाडि छन्।
गुल्मीको कालिगण्डकी, इस्मा र मदानेमा मतपरिणाम आउन बाँकी छ। त्यहाँ तीन वटै तहमा एमाले अगाडि छ।
पाल्पाको रामपुर नगरपालिका एमाले अगाडि छ। त्यस्तै बगनासकलीमा कांग्रेस अगाडि छ।
प्यूठानको गौमुखी, नौवाहिनीमा मतगणना भैरहेको छ। त्यहाँ पनि कांग्रेस अगाडि छ। स्वर्गद्वारी नगरपालिकामा भने एमाले अगाडि छ। माओवादी केन्द्र प्यूठान नगरपालिका अगाडि छ। मतपरिणाम आउन समय लाग्ने निर्वाचन अधिकृतहरुले जानकारी दिएका छन्।
बर्दियामा एक मात्र तहको मतपरिणाम सार्वजनिक भएको छ। सदरमुकाम गुलरियामा कांग्रेसले जितेको छ। अन्य स्थानमा गणना जारी छ। माओवादी केन्द्र राजापुर, मधुवन, बारबर्दिया, ठाकुरबाबा र गेरुवामा अगाडि छ। एमाले भने बढैयाताल र बासगढीमा अगाडि रहेको छ।
रुपन्देहीमा भने हालसम्म कुनै पनि तहको परिणाम सार्वजनिक भएको छैन। रुपन्देहको बुटवल उपमहानगरपालिकामा एमालेको अग्रता छ। रूपन्देहीकै सैनामैना, तिलोत्तमा र सिद्धार्थनगर नगरपालिकामा पनि एमाले अगाडि छ। त्यस्तै सियारी, कञ्चन र ओमसतिया गाउँपालिकामा पनि एमाले नै अगाडि छ।
कांग्रेस रूपन्देहीको देवदह नगरपालिका, शुद्धोधन गाउँपालिका र सम्मरीमाई गाँउपालिकामा अगाडि छ।
नयाँ शक्ति र फोरम नेपाल एउटै चुनाव चिन्हमा प्रतिष्पर्धामा उत्रिएकाले रुपन्देहीमा रोहिणी, मर्चावरी र गैडहवामा अगाडि छन्। स्वतन्त्रको हैसियताम निर्वाचनमा उठेको राजपा पनि त्यहाँको लुम्बिनी सांस्कृतिक नगरपालिका र मायादेवी गाउँपालिकामा अगाडि छ।
कपिलवस्तुको कुनै पनि नगर तथा गाउँपालिकाको मतपरणाम हालसम्म सार्वजनिक भएको छैन। त्यहाँ अधिकांश स्थानीय तहमा कांग्रेस अगाडि छ। १० स्थानीय तह मध्ये ४ मा कांग्रेस अगाडि छ भने ३ मा एमाले अगाडि छ।
कांग्रेस कपिलवस्तु नगरपालिका, बुद्धभूमी नगरपालिका, बाणगंगा र यशोधरा गाउँपालिकामा अगाडि छ।
एमाले विजयनगर, शिवराज र शुद्धोधनमा अगाडि छ।
त्यस्तै मायादेवीमा संघीय समाजवादी फोरम नेपाल अगाडि छ। संघीय समाजवादी फोरमकै बागी उम्मेद्वार रजतप्रताप शाह स्ततन्त्र उम्मेद्वारको रुपमा कृष्णनगरमा अगाडि छन्। त्यस्तै महाराजगञ्जमा स्वतन्त्र उम्मेद्वार ढृगनारायण पाण्डे अगाडि छन्।
नवलपरासीको पाल्हीनन्दनमा माओवादी केन्द्र अगाडि छ भने रामग्राम नगरपालिका र बर्दघाट नगरपालिकामा कांग्रेस अगाडि छ। सरवालमा भने फोरम लोकतान्त्रिकका राधेश्याम चौधरी थारु अगाडि छन्।
६ स्थानीय तह रहेको
अर्घाखाँचीको पाँच स्थानीय तहको गणना जारी छ।
अर्घाखाँचीको सन्धिखर्क नगरपालिकामा एमाले अगाडि छ। एमाले मालारानी गाउँपालिकामा पनि अगाडि छ। कांग्रेस भने सितगंगा र पाणिनीमा अगाडि छ। त्यसैगरि माओवादी केन्द्र भूमीकास्थानमा अगाडि छ।
दाङको सबैभन्दा धेरै चासो रहेको दुई उपमहानगरपालिका तुलसीपुर र घोराहीमा एमालेको अग्रता छ। त्यस्तै गढवा, दंगीशरणमा पनि एमालेको अग्रता छ।
लमही नगरपालिका सहित शान्तिनगर, राप्ती र बबईमा कांग्रेस अगाडि छ।