दोस्रो चरणको चुनाव सम्पन्न भएका स्थानीय तहका ७ उपमहानगरपालिका मध्ये ५ वटामा एमालेले अग्रता लिएको छ। नेपाली कांग्रेस र राप्रपाले एउटा/एउटा उपमहानगरपालिकामा अग्रता लिएको छ ।
पछिल्लो मतगणना परिणाम अनुसार एमालेले धरान, इटहरी, बुटवल, तुलसीपुर र घोराही उपमहानगरपालिकामा अग्रता लिएको छ ।
नेपाली कांग्रेसले धनगढी उपमहानगरपालिकामा अग्रता लिएको छ भने राप्रपाले नेपालगञ्ज उपमहानगरपालिकामा अग्रता लिइरहेको छ ।
नेपाली कांग्रेसले सुरूमा धरान र इटहरी उपमहानगरपालिमामा समेत अग्रता लिएको थियो । तर, ती दुबै उपमहानगरमा आइतबार बिहानदेखि एमालेले कांग्रेसलाई पछि पार्दै अगाडि बढेको हो।
बुटवलमा पनि सुरूमा कांग्रेसले अग्रता लिएको थियो। शनिबारदेखि एमालेले अग्रता लिइरहेको छ ।
यस्तै सुदूरपश्चिमको धनगढीमा कांग्रेसले सुरूदेखि लिएको अग्रता कायमै राखेको छ।
यता दाङका दुबै तुलसीपुर र घोराही उपमहानगरपालिकामा एमालेले फराकिलो अन्तरमा अग्रता बढाउँदै लगेको छ।
नेपालगञ्जमा राप्रपाका मेयर उम्मदेवार धवल समशेर राणाले फराकिलो मतान्तरले अग्रता लिइरहेका छन् ।
७ वटै उपमहानगरपालिकाको पछिल्लो परिणाम यस्तो छ–१. धरान उपमहानगरपालिका
एमालेः तारा सुब्बा– ५४३३/मञ्जु भण्डारी ५२९५
कांग्रेसः रोहित प्रसाई– ५३०४/विमला ढकाल ५२७२
२. इटहरी उपमहानगरपालिकाएमालेः– द्वारिकलाल चौधरी– ५४३३/लक्ष्मी गौतम ५२९५
कांग्रेसः रोहित प्रसाई– ५३०४/विमला ढकाल ५२७२
३. बुटवल उपमहानगरपालिकाएमालेः– शिवराज सुवेदी– ६२८९/गोमा आचार्य ६२८९
कांग्रेसः खेलराज पाण्डे– ६०६३/जगतबहादुर पोखरेल ४३३२ ( माओवादी)
४. घोराही उपमहानगरपालिकाएमालेः नरुलाल चौधरी– १३६३१/सीता सिग्देल–१२७८२
कांग्रेसः भूपबहादुर डाँगी– ९९७२/पुष्पा श्रेष्ठ– १२२५६
माओवादीः जीवन गौतम ७५७६/सीता शर्मा– ७८६५
५. तुलसीपुर उपमहानगरपालिकाएमालेः– घनश्याम पाण्डे– ६८८७/माया आचार्य ६०२९
कांग्रेसः गेहेन्द्र गिरी– ४८४५/ देविका नेपाली–४९५६
६. नेपालगञ्ज उपमहानगरपालिकाराप्रपाः धवलसमशेर राणा– ६५०७/रमारानी वैश्य–४८२९
कांग्रेसः सुरेशकुमार कनोडिया– ३९१२/उमा थामामगर ४८४५
माओवादी- दामोदर आचार्य– ३६२४/ कलामुन अन्सारी ३२९६
७. धनगढी उपमहानगरपालिकाकांग्रेसः नृप बड– ३४९७/सुशीला मिश्र भट्ट–४००९
एमालेः– दूर्गा जोशी– २८५४/रुक्मिणी देवकोटा ३५५७
