पूर्वको प्रदेश नम्बर १ को स्थानीय तहको निर्वाचनमा नेकपा एमालेले अग्रता लिने सम्भावना बलियो देखिएको छ। पूर्वको १ महानगर, २ उपमहानगर र ४६ नगरपालिका गरी कूल ४९ प्रमुख स्थानका लागि भइरहेको मतगणनामा एमालेले १० नगरपालिकामा विजय हात पारिसकेको छ भने १७ ठाउँमा अग्रता बनाएको छ।
नेपाली कांग्रेसले हालसम्म ५ नगरपालिकामा जित हात पारेको छ। कांग्रेस १६ स्थानमा अगाडि छ। नगरपालिकाको एक स्थानमा लोकतान्त्रिक फोरम अगाडि देखिएको छ।
एमालेले धनकुटाको तीनवटै नगरपालिका जितेर ‘क्लिन स्विप’ गरेको छ। ऊ अझै इलाम र झापामा पनि ‘क्लिन स्विप’ तर्फ अग्रसर छ। सुनसरीको इटहरी र धरान उप–महानगरमा पनि एमाले अगाडि छ। संखुवासभाको ५ नगरपालिकाका लागि भएको निर्वाचनमा एमालेले तीनमा विजय हात पारेको छ।
कांग्रेस पनि उदयपुरमा बलियो स्थितिमा देखिन्छ। भोजपुरको २ स्थानमध्ये एकमा कांग्रेसले जित हात पारिसकेको छ भने अर्कोमा पनि अग्रता बनाएको छ। यसबाहेक कांग्रेसको सबैभन्दा राम्रो प्रदर्शन मोरङमा देखिएको छ। १ महानगर र ८ नगरपालिका रहेको मोरङमा कांग्रेसले महानगरमा अग्रता बनाएको छ भने ६ नगरपालिकामा पकड बनाएको छ।
विजय गच्छदारको लोकतान्त्रिक फोरमले दुहवी नगरपालिकामा हालसम्मको मतगणनामा अग्रता बनाएको छ।
नेकपा एमाले
- फुङलिङ नगरपालिका (ताप्लेजुङ)– विजयी
- खाँदवारी नपा (संखुवासभा)– विजयी
- चैनपुर नपा (संखुवासभा)– विजयी
- मादी नपा (संखुवासभा)– विजयी
- म्याङलुङ नपा (तेह्रथुम)– विजयी
- धनकुटा नपा (धनकुटा)–विजयी
- पाख्रिबास नपा (धनकुटा)–विजयी
- महालक्ष्मी नपा (धनकुटा)–विजयी
- सिद्धिचरण नपा (ओखलढुंगा)– विजयी
- रुपाकोट मजुवागढी नपा (खोटाङ)– विजयी
- इलाम नगरपालिका (इलाम)– अग्रता
- देउमाई नपा (इलाम)– अग्रता
- माई नपा (इलाम)– अग्रता
- सूर्योदय नपा (इलाम)– अग्रता
- भद्रपुर नपा (झापा)– अग्रता
- मेची नपा (झापा)– अग्रता
- दमक नपा (झापा)– अग्रता
- कन्काई नपा (झापा)– अग्रता
- अर्जुनधारा नपा (झापा)– अग्रता
- गौरादह नपा (झापा)– अग्रता
- शिवशताक्षी नपा (झापा)– अग्रता
- विर्तामोड नपा (झापा)– अग्रता
- लेटाङ नपा (मोरङ)– अग्रता
- पथरी शनिश्चरे नपा– अग्रता
- धरान उप–महानगरपालिका (सुनसरी)– अग्रता
- इटहरी उप–महानगरपालिका (सुनसरी)– अग्रता
- बराह नपा (सुनसरी)– अग्रता
नेपाली कांग्रेस
- धर्मादेवी नपा (संखुवासभा)– विजयी
- पाँचखपन नपा (संखुवासभा)– विजयी
- लालीगुराँस नपा (तेह्रथुम)– विजयी
- सोलुदुधकुण्ड नपा (सोलुखुम्बु)– विजयी
- भोजपुर नपा (भोजपुर)–विजयी
- फिदिम नगरपालिका (पाँचथर)– अग्रता
- षडानन्द नपा (भोजपुर)– अग्रता
- हलेसी तुवाचुङ नपा (खोटाङ)– अग्रता
- त्रियुगा नपा (उदयपुर)– अग्रता
- कटारी नपा (उदयपुर)– अग्रता
- चौदण्डीगढी नपा (उदयपुर)– अग्रता
- बेलका नपा (उदयपुर)– अग्रता
- विराटनगर महानगरपालिका (मोरङ)– अग्रता
- बेलबारी नपा (मोरङ)– अग्रता
- रंगेली नपा (मोरङ)– अग्रता
- रतुवामाई नपा (मोरङ)– अग्रता
- सुनवर्षी नपा (मोरङ)– अग्रता
- उर्लावारी नपा (मोरङ)– अग्रता
- सुन्दर हरैचा नपा (मोरङ)– अग्रता
- इनरुवा नपा (सुनसरी)– अग्रता
- रामधुनी नपा (सुनसरी)– अग्रता
फोरम लोकतान्त्रिक
- दुहवी नपा (सुनसरी)– अग्रता