मोरङको रंगेली नगरपालिकामा नेपाली कांग्रेस र माओवादी केन्द्रका प्रतिस्पर्धीबीच मेयर पदमा कडा प्रतिस्पर्धा देखिएको छ।
सोमबार रातिसम्म अगाडि रहेका माओवादीका दिलिपकुमार अग्रवाललाई कांग्रेसका मोदराज घिमिरेले १ सय ३२ मतले पुनः पछाडि छोडेका छन्। १३ हजारको मत गणना हुँदा मोदराजले ३ हजार ६ सय ७३ मत प्राप्त गरेका छन्।
माओवादीका अग्रवाल ३ हजार ५ सय ४१ मत प्राप्त गरेर मोदराजलाई पछ्याइरहेका छन्। तेस्रो स्थानमा नेकपा एमालेका सन्तोष साहले २ हजार मत प्राप्त गरेका छन्। मत गणना अझै १० हजार बाँकी रहेको निर्वाचन कार्यालयले जनाएको छ।
