बुढेसकालमा सम्मान पाएपछि दधिकोटका जेष्ठ नागरिक खुशीले गद्गद् भएका छन् । उनीहरुलाई बिहीबार स्थानीय अरनिको उच्च माविमा आयोजित कार्यक्रममा दधिकोट जेष्ठ नागरिक समितिले सम्मान गरेको हो ।
अनुभव, ज्ञान र सीपले समाज विकासमा योगदान पु¥याउँदै आएका २२ जना जेष्ठ नागरिक र तीन जना अगुवाहरुलाई सम्मान गरिएको हो । सम्मानित हुने अगुवाहरुमा क्षेत्र नं २ का पूर्व साँसद लेखनाथ न्यौपाने, सूर्यविनायक नगरपालिका वडा नं १ का वडाध्यक्ष सानुकाजी कायस्थ र वडा नं ४ का वडाध्यक्ष उत्तम थापा छन् ।
जेष्ठ नागरिकहरुलाई प्रमूख अतिथि पूर्व साँसद न्यौपाने, समितिका अध्यक्ष पूर्णप्रसाद न्यौपाने र सचिव शालीग्राम न्यौपानेले खास्टो, प्रमाणपत्र र नगद प्रदान गरेका थिए । कार्यक्रममा जेष्ठ नागरिकका अगुवाहरुले जेष्ठ नागरिकको अनुभव र सीप सदुपयोग गर्दै उनीहरुलाई सम्मानित जीवन विताउन सबैले सहयोग पु¥याउनु पर्नेमा जोड दिए ।
