राष्ट्रपति विद्यादेवी भण्डारीलाई सामाजिक सञ्जालमा अपशब्द प्रयोग गरी स्टाटस लेख्नेलाई प्रहरीले पक्राउ गरेको छ। कपिलवस्तुको तौलिहवास्थित हुदा रेडियोका स्टेशन म्यानेजर सोनुकुमार सुनारलाई प्रहरीले पक्राउ गरेको हो।
सुनारलाई पक्राउ गरी अनुसन्धान गरिरहेको कपिलवस्तुका एसपी भोजजंग शाहले सेतोपाटीलाई जानकारी दिए। राष्ट्रपतिले १६ करोड गाडी खरिदका लागि बजेट मागेको सन्दर्भमा उनले अश्लिल स्टाटस लेखेका थिए।
राष्ट्रपतिमाथि उनी खनिदैँ पतिलाई खोलामा फ्याँकेको, आमाबाबुलाई बृद्धाश्रममा राखेको, केपी ओलीसँगको संगतले राष्ट्रपति भएको र १६ करोड गाडी मागेको भन्दै चर्को स्टाटस लेखेका थिए।