बाग्मती सफाई महाअभियानको २१९ औँ हप्तामा त्रिपुरेश्वर नयाँ पुल क्षेत्रमा सफाई गरी पाँच मेट्रिक टन फोहर व्यवस्थापन गरिएको छ ।
महाअभियानका सबै अभियन्ता विष्णुमती सफाई अभियानमा सहभागी हुने भनिए पनि विसं २०७० जेठ ५ गते शनिबारदेखि बाग्मती सफाईमा बिराम नगरिएकाले १०० जनाले सफा गरिएको अभियानकर्मी डा लक्ष्मी पौडेलले जानकारी दिईन् । सफाईमा नेपाल प्रहरी, यूरेसिया रेयुकाइलगायत स्थानीयवासीको सहभागिता थियो ।
त्रिपुरेश्वर क्षेत्रको स्थानीयवासीका घरघरमा गई जनचेतनामूलक अभियान गरी शनिबार सबैभन्दा बढी स्थानीयवासीलाई सफाईमा उतारिएको उनले सुनाईन् । उपत्यकाका रुद्रमती, गुह्येश्वरीमाथिको बाग्मती, तिलगंगा र मीनभवनका सफाई अभियानकर्मी भने शनिबार नयाँ बसपार्कस्थित विष्णुमती सफाईमै सहभागी भएको महाअभियानका प्रवक्ता उमेश बोहराले जानकारी दिए । रासस
