नेकपा (एकीकृत समाजवादी) सांसद भवानी खापुङले मन्त्रीमा विरोध खतिवडालाई रोजेपछि उक्त पार्टीले मन्त्री हुन लागेकाले नेताहरूले पाउने मन्त्रालय हेरफेर गरेको छ।
एकीकृत समाजवादीका एक नेताका अनुसार खापङले आफूले मन्त्री नै हुने हैसियतको मान्छे भए पनि राज्यमन्त्री भए विरोध खतिवडाको मन्त्रालयमा हुने बताएपछि सरकारमा जान लागेकाहरूको जिम्मेवारीमा परिवर्तन गरिएको हो।
अब एकीकृत समाजवादीबाट खतिवडा स्वास्थ्य मन्त्री, प्रेम आले सहरी विकास, रामकुमारी झाँक्री पर्यटन, किसान श्रेष्ठ श्रम मन्त्री बन्ने भएका छन्।
खापुङ स्वास्थ्य राज्यमन्त्री हुने भएका छन्। यसअघि झाँक्री स्वास्थ्य मन्त्री बन्ने लगभग टुंगो भएको थियो।
तत्कालीन नेकपा एमालेका नेता खापुङ २०७४ को चुनावमा तेह्रथुमबाट निर्वाचित भएका थिए।
