नेपाली कांग्रेसका केन्द्रीय सदस्य अर्जुननरसिंह केसीले पार्टी कार्यालय सानेपामा संस्थापनइतरका नेतालाई बस्ने ठाउँ नदिइएको बताएका छन्।
बिहीबार केन्द्रीय समिति बैठकबाट बाहिरिने क्रममा संवाददाताहरूसँग कुरा गर्दै केसीले यसअघि सभापतिमा हारेकाका निकटतम् प्रतिष्पर्धीलाई सानेपा कार्यालयमा कोठा दिने गरिएको भए पनि यसपालि शेखर कोइरालाई बस्ने ठाउँ नदिइएको उनको भनाइ छ।
‘यसअघि रामचन्द्र पौडेलजीलाई दिइएको थियो। यसपालि शेखर कोइरालालाई छुट्टै कोठा दिइएको छैन। यहीँ ठाउँ भए हामी होटलमा जान्नौं, छलफल गर्न पार्टी कार्यालयमै बस्छौं,’ केसीले भने।
गुट भेला पहिला-पहिला अहिलेका सभापति शेरबहादुर देउवाले नै गरेको उनले बताए।
‘पहिला गुट भेला उहाँले नै गर्नुहुन्थ्यो। अहिले पदाधिकारी गुट भेलामा किन गएको भनेर आलोचना गर्नुको अर्थ छैन,’ केसीले भने।
बैठकमा बोल्दै सभापति देउवा पक्षका केन्द्रीय सदस्यले पार्टी पदाधिकारीहरू नै गुट भेलामा गएको भन्दै आलोचना गरेका थिए।