भारतमा हुने १२ औं संस्करणको इण्डियन प्रिमियर लिग (आइपिएल) खेल्न राष्ट्रिय क्रिकेट टोलीका सदस्य एवं लेग स्पिनर सन्दीप लामिछाने आज त्यसतर्फ प्रस्थान गरेका छन्।
यही चैत ९ गतेदेखि भारतका विभिन्न ठाउँमा सुरू हुने उक्त प्रतियोगितामा सहभागिता जनाउन सन्दीप जेट एयरवेजबाट दिल्ली प्रस्थान गरेका हुन्।
सन्दीपको टिम दिल्ली क्यापिटल्सले आफ्नो पहिलो खेल यही चैत १० गते मुम्बई इण्डियन्ससँग खेल्नेछ।
गत सिजनको आइपिएपलमा दिल्ली डेयरडेभिल्सबाट खेल्दै सन्दीप आइपिएल खेल्ने पहिलो नेपाली खेलाडी समेत बनेका थिए।
सन्दीपले गतवर्ष दिल्लीबाट अन्तिम तीन खेलमा पाँच विकेट लिँर्दै उत्कृष्ट खेल प्रदर्शन गरेका थिए । उक्त प्रतियोगितामा सन्दिपको पारिश्रमिक २० लाख भारतीय रुपैयाँ रहेको छ ।
--1715160207.JPG)
