नेपालले आईसीसी अन्डर नाइन्टिन विश्वकप एसियाली क्षेत्रको छनोट अन्तर्गत आफ्नो चौथो खेलमा मलेसियासँग प्रतिस्पर्धा गर्दैछ।
यूएईस्थित मलेक क्रिकेट मैदानमा हुने खेल नेपाली समयअनुसार बिहान पौने ११ बजे सुरू हुनेछ। जारी प्रतियोगितामा उत्कृष्ट प्रदर्शन गरिरहेको नेपालले यसअघिका सुरूआती तीनै खेलमा फराकिलो जित निकालेको छ।
उत्कृष्ट प्रदर्शन गरिरहेको नेपाल लगातार चौथो जित हात पार्दै विश्वकप छनोटको सम्भावना बलियो बनाउने लक्ष्यमा छ। नेपालले यसअघि सिंगापुर, कुवेत र हङकङमाथि सहज जित निकालेको हो।
मलेसिया भने आफ्ना तीन खेलमध्ये एकमा मात्र विजयी भएको थियो। नेपाल तीन खेलबाट ६ अंक जोड्दै तालिकाको दोस्रो स्थानमा छ ।
समान खेलबाट समान अंक बटुलेको यूएई नेट रनरेटका आधारमा शीर्ष स्थानमा छ।
६ राष्ट्र सम्मिलत छनोट खेलको शीर्ष स्थानमा रहने टिमले आगामी वर्ष श्रीलंकामा हुने यु-१९ विश्वकप खेल्नेछ।
