प्रधानमन्त्री केपी ओलीले कसैलाई पनि आफूहरूले अनुचित तरिकाले प्रधानमन्त्रीको प्रस्ताव नराखेको बताएका छन्।
उनले प्रचण्ड-माधव नेपाल नेतृत्वको नेकपातिर लक्षित गर्दै यस्तो बताएका हुन्।
‘म यहाँ छु संसदीय दलको नेता, उता संसदीय दलको नेता चुनियो रे,’ उनले भने।
उनले प्रतिनिधिसभा फिर्ता आएपछि तमासा सुरू भएको बताए। ‘नेपाली जनताले हेर्दै जानुपर्ला, परिणाम भोग्दै जानुपर्ला,’ उनले भने, ‘यो देशमा हाम्रो पार्टी पनि छ।’
अहिले सरकार ढाल्ने बहुतै गम्भीर र उधुमको प्रयास भइरहेको दाबी ओलीले गरे।
‘२०७३ सालमा पनि सरकार ढालिएको थियो,’ उनले भने, ‘हामी जस्केला, झ्याल, भेन्टिलेसनबाट हैन, निर्वाचनको बाटोबाट हाइवेबाट हिँडेका छौं। सिंहदरबारको मूल गेटको ढोका खोलेर पसेका छौं।’
ओलीले अध्यक्ष हुनुपरे महाधिवेशनबाट चयन हुने गरेको भन्दै उनले ब्यांकेटबाट अध्यक्ष महासचिव हैन भन्दै प्रचण्ड-नेपाल समूहको विरोध गरे।
‘हामी प्रधानमन्त्री हुनुपरे निर्वाचनको माध्यमबाट आउँछौं, जालझेल र तिक्डमको हैसियतले हैन,’ उनले भने।