हिजोआज गर्मीले राजधानीबासीलाई पनि अत्यास पार्न थालेको छ। दिउँसो बाहिर हिँड्दा पसिनाले लुथ्रुक्कै कपडा भिज्नेगरी गर्मी सुरु भएको छ। साँझ र बिहानको समय सामान्य रहे पनि दिउँसो भने फ्यान (पंखा) चलाउनुपर्ने दिन सुरु भएको छ।
बजारमा विभिन्न प्रकारका फ्या पाइन्छन् । भित्तामा जडान गरिने वाल फ्यान, ठड्याएर आफूलाई पायक पर्ने स्थानमा राख्न मिल्ने स्ट्याण्ड फ्यान र सिलिङ फ्यान उपलब्ध छन्। ति बाहेक हाते फ्यान र युएबी फ्यान बजारमा पाइन्छन् । विभिन्न इन्च तथा मोडलमा यी फ्यानको मूल्य फरक फरक पर्ने गरेको छ।
महाबौद्धस्थित स्नेहा इलेक्ट्रोनिक्सका रबिन शाक्यले फ्यानको बिक्री सुरु हुन थालेको बताए।
उनले गर्मीको सिजन सुरु भएकाले ग्राहक फ्यान किन्न आउने क्रम सुरु भएको जानकारी दिए। ति बाहेक देशका विभिन्न ठाउँमा लिएर बेच्ने खुद्रा व्यापारी पनि आफ्नोमा आउने गरेको उनको भनाइ छ।
उनकाअनुसार बजारमा चाइनिज र भारतिय ब्राण्डका फ्यानहरुले बजारको ठूलो हिस्सा ओगटेका छन।
त्यस्तै महाबौद्धका अर्का व्यापारी सबिन तुलाधरले चीनियाँ फ्यान कमसल हुने तर बजारमा भारतिय कम्पनिको नाम राखेर चीनियाँ कम गुणस्तरका फ्यान बेच्ने गरिएकाले राम्रो सँग बुझेर मात्र फ्यान किन्नु पर्ने बताउछन् ।
तुलााधरले फ्यान किन्नु अघि त्यसमा कस्तो खालको मोटर प्रयोग भएको हो भनेर हेर्नुपर्ने सुझाव दिए। उनको भनाइमा ६० वाट क्षमताको मोटर तथा मेटल निर्मित फ्यान टिकाउ हुन्छन्।
व्यापारीहरुका अनुसार ब्राण्डअनुसार विभिन्न फ्यान हेरेर ६ महिना देखि १ वर्षसम्मको वारेन्टी दिइन्छ।
एउटै मोडलको फ्यानमा पनि पसल, अनलाइन सपिङ तथा कम्पनीले प्रदान गर्ने मूल्य फरक फरक देखिन्छ। व्यापारीले आफूलाई राख्ने नाफाको रकम तथा डेलिभरि गर्दा लिइने सेवा शुल्कका कारण सामान्य फरक फरक पर्न गएको व्यापारीहरु बताउँछन्।
केही व्यापारीहरुसितको कुराकानीका क्रममा बजारमा भेटिएका फ्यान र तिनको मूल्य यस्तो छ।
ओर्यन्ट
मोडल |
मूल्य |
ओर्यन्ट १६ इन्च वाल फ्यान |
३,५,०० देखि ४,००० सम्म |
ओर्यन्ट १८ इन्च वाल फ्यान |
६,००० देखि ८,००० सम्म |
ओर्यन्ट एनर्जी सेभिङ सिलिङ फ्यान |
३००० देखि ३,५,०० सम्म |
ओर्यन्ट प्रिमियम डेकोरेटिभ सिलिङ फ्यान |
४,००० देखि ४,५०० सम्म |
ओर्यन्ट स्ट्याण्ड फ्यान |
४,००० देखी ५,००० सम्म |
यसुदा
मोडल |
मूल्य |
यासुदा सिलिङ फ्यान मेटलमा |
२,००० |
यासुदा रिचार्चजेबल स्टयाण्ड फ्यान |
५,००० देखि ६,००० |
यासुडा रिचार्चजेबल् टेबल फ्यान |
४,००० देखि ५,००० सम्म |
यासुडा प्रिमियम स्ट्याण्ड फ्यान |
३,००० देखि ४,००० सम्म |
यासुडा स्ट्याण्ड फ्यान |
२,००० देखि ४,५०० सम्म |
यासुडा टेबल फ्यान |
२,५०० देखि माथि |
क्रमटन
मोडल |
मूल्य |
क्रमटन सिलिङ फ्यान |
३००० देखि २०००० सम्म |
क्रमटन पेडेस्टल टेबल फ्यान |
२००० देखि ६००० सम्म |
क्रमटन वाल माउनटिङ फ्यान |
३००० देखि ५५०० सम्म |
सिजी
मोडल |
मूल्य |
१६ इन्च स्टयाण्ड फ्यान |
३००० देखि माथि |
१६ इन्च टेबल फ्यान |
२५०० देखि ३५ सयसम्म |
