आन्दोलनरत राष्ट्रिय जनता पार्टीका नेताले प्रधानमन्त्री शेरबहादुर देउवालाई भेटेर तराई मधेसमा शैन्यकरण भएको भन्दै आपत्ती जनाएका छन्।
बुधबार प्रधानमन्त्री निवास बालुवाटारमा भेट गर्न गएका राजपाका नेताहरू महन्त ठाकुर र अनिल झाले पछिल्लो समय तराईमा सघन रूपमा सेना पुलिस खटाएको भन्दै आपत्ती जनाएका थिए।
यस्तै उनीहरूले प्रधानमन्त्री समक्ष असार १ गते बन्दका क्रममा राज्यको धरपकडबाट घाइते भएका इनरूवा सुनसरीका मुक्तिलाल महेताको मृत्यु भएको भन्दै सरकारले सहिद घोषणा गरेर क्षतिपूर्ति दिन माग गरेका थिए।
यस्तै उनीहरूले घरैबाट आफ्नो नेता कार्यकर्ता उठाएर लगेको भन्दै त्यसको घोर आपत्ती जनाएका थिए।
जवाफमा प्रधानमन्त्री देउवाले सुरक्षा निकायसँग कुरा गरेर बल प्रयोग भए नभएको र प्रहरी र सुरक्षाको स्थिति कस्तो छ भन्ने बुझ्ने जानकारी गराए।