दक्षिण कोरियाको राजधानी सोलस्थित नेपाली राजदूतावास त्यहाँ आयोजित १५ औँ वस्तु आयात मेलामा पहिलो पटक सहभागी भएको छ।
मेलामा नेपालले हातले बुनेका गलैँचा, पस्मिना सल, स्वेटर, चाँदीका गरगहना, हस्तकला, धातुकला, थान्का, मूर्ति, सिन्के धुप, रत्नपत्थर, जैविक चिया र कफी प्रस्तुत गरेको सोलस्थित नेपाली दूतावासले जनाएको छ।
मेलाका सहभागी नेपालका निर्यातकर्ता र उत्पादक कम्पनीले कोरियाली आयातकर्तासँग नेपाली उत्पादनबारे छलफल गर्दै नेपाली सामान खरिदका निम्ति अनुरोध गरेका छन्। शनिबारसम्म सञ्चालन हुने उक्त मेलामा ५० देशका १४६ कम्पनीले भाग लिएका छन् । रासस
